काठमाडौं । नेपाली राष्ट्रिय महिला फुटबल टोलीकी कप्तान सावित्रा भण्डारी (साम्बा) ले गम्भीर घुँडाको चोटपछि पुनः जटिल शल्यक्रिया गर्नुपर्ने अवस्था आएको बताउँदै आर्थिक सहयोगको अपिल गरेकी छन्। एसीएलको पुरानो ग्राफ्ट र एमसिएलमा गम्भीर चोट लागेकाले करिब ८० हजार अमेरिकी डलर खर्च अनुमान गरिएको उनले उल्लेख गरेकी छन्।

यसअघि उपचारमा सहयोग गरेको एन्फा बाट यसपटक अपेक्षित सहयोग नपाएको गुनासो गर्दै उनले समर्थकसँग साथ र सहयोगको आग्रह गरेकी छन्। विदेशमा रहेका समर्थकका लागि अनलाइन क्यूआर मार्फत र नेपालभित्र बैंक तथा क्यूआरमार्फत सहयोग गर्न अपिल गरेकि छन ।