काठमाडौं : स्पेनमा रहेका नेपालीहरूको साझा संस्था गैर आवासीय नेपाली संघ  स्पेन द्वारा आयोजित पवित्र अभियानमा एक प्रेरणादायी उदाहरण प्रस्तुत भएको छ। आदरणीय बालकृष्ण तिवारीज्यूले यस पुण्य कार्यका लागि सबैभन्दा बढी १५,५५५ युरो (करिब २८ लाख नेपाली रुपैयाँ) आर्थिक सहयोग प्रदान गर्दै विशेष योगदान दिनुभएको छ।

उहाँको यो उदार मन, गहिरो धार्मिक आस्था र समाजप्रतिको समर्पणले सम्पूर्ण नेपाली समुदायलाई गर्वान्वित बनाएको छ। विदेशमा रहेर पनि आफ्नो धर्म, संस्कार र पहिचानलाई जोगाउँदै यस्ता महान कार्यमा सक्रिय सहभागिता जनाउनु वास्तवमै प्रशंसनीय छ।

यस किसिमका उदाहरणहरूले “नेपाली जहाँ गए पनि आफ्नो धर्म र संस्कृतिलाई जोगाउँछन्” भन्ने सन्देशलाई अझ सशक्त बनाएको छ। साथै, यस अभियानले विदेशमा रहेका नेपालीहरूबीच एकता, सहकार्य र सामाजिक उत्तरदायित्वको भावना अझ मजबुत बनाउने विश्वास लिइएको छ।