काठमाडौं — नेपाल आयल निगमले डिजेल र मट्टितेलको मूल्यमा उल्लेख्य वृद्धि गरेको छ। निगमले बुधबार जारी गरेको सूचनाअनुसार नयाँ मूल्य बुधबार मध्यरातदेखि लागू गरिएको हो।

नयाँ समायोजनअनुसार डिजेल र मट्टितेलको मूल्य प्रतिलिटर ३० रुपैयाँले बढाइएको छ। साथै, आन्तरिक उडानका लागि प्रयोग हुने हवाई इन्धनको मूल्यमा पनि प्रतिलिटर ५ रुपैयाँ वृद्धि गरिएको छ।

यद्यपि, पेट्रोलको मूल्य भने यथावत राखिएको निगमले जनाएको छ।