काठमाडौं : अन्तर्राष्ट्रिय आरोग्य दिवस बेल्जियममा पहिलो पटक आयोजना गरिएको छ । कार्यक्रममा नेपाली प्रतिनिधिको सहभागिता उल्लेखनीय रहेको थियो । सानो तर अर्थपूर्ण रूपमा सुरु भएको यस ऐतिहासिक कार्यक्रममा विभिन्न देशका राजदूतहरूको उपस्थिति रहेको थियो, जसले यसको अन्तर्राष्ट्रिय महत्वलाई अझ मजबुत बनाएको छ।
आयोजकका अनुसार, यो दिवस अब बेल्जियममा मात्र सीमित नरही विश्वभर खुला रूपमा, सबैको सहभागितामा मनाउने योजना अघि बढाइएको छ। स्वस्थ जीवनशैली, मानसिक सन्तुलन तथा प्रकृतिसँगको सम्बन्धलाई प्रवर्द्धन गर्दै विश्वभर सकारात्मक सन्देश फैलाउने उद्देश्य राखिएको छ।
यस अभियानले नेपालका लागि पनि नयाँ सम्भावना सिर्जना गर्ने अपेक्षा गरिएको छ। प्राकृतिक सम्पदा, योग, ध्यान तथा अध्यात्मको समृद्ध परम्पराका आधारमा नेपाललाई ‘आरोग्य पर्यटन’ को विश्व केन्द्रका रूपमा विकास गर्न सकिने विश्वास व्यक्त गरिएको छ।
अब यस दिवसलाई विश्वव्यापी अभियानका रूपमा विस्तार गर्दै नेपाललाई अन्तर्राष्ट्रिय स्तरमा चिनाउने जिम्मेवारी सबैको साझा भएको सहभागीहरूले बताएका छन्।
